FraSqui

Condividi

su’ animali strani
ca sulu all’elezzioni
ppi miraculu figghianu!
Ancunu fissa avia cridutu
ch’intra ancunu vuascu s’avianu pirdutu
e, poviru ‘nnocenti, daviaru scantatu
puru a “chini l’ha bistu” avia tilefonatu.
Mo cumincianu a nèsciri, mo si fanu vidiri,
su sempri ammianzu i piadi, u ssi puanu scanzari.
Prim’eranu mpignati, sempri ntricati,
all’interssi vuastri s’eranu ccu tutta l’anima didicati.
E ssi prima u rispundianu
quandu aducati vua i salutavavu
, ud’era c’u bbi carculavanu,
eranu l’uacchi vuastri ca si n’gannavanu.
Mo su gintili e chjini i cumprimenti
e dda famigghjia vostra sanu tutti i cumpunenti,
mo sanu l’indirizzu e puru cumi vi chiamati
e ddi chira pratica u ssi s’u scurdati.
Ca pua cchi bbi cercanu, na cos’i nenti,
sulu ppu vvi scurdati, u ri tiniti a menti,
quandu mintiti a cruci, cacchjiaticci menti,
vicinu u numi sua, u bbi custa nenti.
mo è l’unicu momentu ca nua simu putenti,
sulu mo i putimu fricari sti fitenti
dicimuccillu chiaru, na botta intr’i dianti
ch’i l’interssu sua u nni ndi frica nenti.