Da libro di Luigi Palmieri su San Mauro
U vennari di marzu dulurusu
Nostru Signuri a ra cruci fu misu.
Dua chiova a ri manu e natru jusu,
U latu apiartu e ru custatu offesu
Cumi cumpurtirai petra amurusa!
Ncurunatu di spini e inermu misu.
I d’u chjiantu chi facìa ra mamma
Durci i petri si muvianu mpietati.
Ciancia, ciancia Maria, povira donna!
Ca lu tua figghjiu è jiutu a ra cundanna!
U ll’aspitari no, ca cchjiù nun torna
Ch’è cundannatu di Pilatu ed’Anna
Pilatu chi di nuavu u cundanna
Subb’aru munti cci posa ra cruci.
Passa ra truppa e ra cavalliria,
I chjiova e ri martiaddri priparati
E passa Cristu e dicia: Matri mia?
Vaiju a ra morti e licenza mi dati:
Donni vistitivi di niguru pannu!
E tutti appriassu a mia vinitivindi.
Ija avia nnu figghjiu di trentetrè d’anni,
Prima curuna i da capu mia,
Mo ija u viju a ra cruci c’affanna,
U dorci figghjiu i di veni mia!
Figghjiu? Cuami cumpuarti si martiri?
T’arriccumandu assà li peccaturi.
Oh piccaturi scilirati e tristi!
Subitu a ri piccati siti lesti.
E di piccati, nd’avimu na lista
quandu murimu li truvamu lesti.
E passanu i quattru Vangilisti
e d’ogni santu vena ra sua festa.
E passa Cristu
Ccu ra vucca dicìa:
Chini pecca e si penta,
Salvus est.
Luigi Palmieri