Littira a ru Rre
Di Mastru Brunu Pelaggi
Un po’ per ridere e, un po’ per la disperazione di chi non riesce a capacitarsi di come vadano le cose nel nostro paese, ogni tanto vado a rileggermi le invettive che mastro Bruno Pelaggi, scalpellino di Serra San Bruno, alla fine dell’800, rivolgeva a Dio e ai potenti.
La consolazione che ne deriva nella costatazione che niente è cambiato, mi aiuta a superare la frustrazione che mi assale ogni qual volta provo a leggere le cronache politiche dei quotidiani di oggi: locali e nazionali.
Spero lo sia anche per voi…
Littira a ru Rre
Di Mastru Brunu Pelaggi
Di suba ‘sta muntagna
ti jiéttu ‘na gridàta:
síentila ‘sta chjamàta
ed éja, príestu!
Non mi fari ‘mu ríestu
futtútu di lu tuttu,
ca non sai quant’è bruttu
l’aspittari…!
” “ Né arróbba, né dinari
trúovi alla casa mia,
perciò ricurru a ttia
si bbúoi ‘mu sìenti.
‘Sti chjiànti e ‘sti lamíenti,
`sti vuci e ‘sti suspíri
tóccali, si non cridi,
cu’ li mani!
Vidi com’è la fami,
ca púoi mi cridi a mmia,
e vidi s’è buggia
quantu ti dicu…
Si tu si’ bìeru amicu
di li súdditi toi,
ópera giústu, e púoi
dúormi. squitatu.
Si bbúoi ‘mu si’ adurátu
di tutti li ‘Taliani
spàrtandi lu pani
e síenti a mmia,
ch’e trúoppu tirannia
pi’ nnui, póvar’aggénti:
a cu tuttu a cu nenti
non è giustu!
Duna a cu vuoi l’arrustu,
lu míegghju e lu cchjiú grúossu:
a nnui dúnandi ‘n’úossu,
cúomu cani.
Sempi lavúru e pani
circàu lu calabrisi;
ma tu sciáli di risi
e cugghjiuniji!
Apira l’úocchji e bbidi;
jiétta ‘nu sguardu ‘ntúornu!
Vidi ca mai fa jiúornu
e sempri è scuru.
Menta carchi lavúru
`mu nd’abbuscamu pani,
ca la morti di fami
è trúoppu cruda!
‘Taliani cu’ la cuda
ndi carculasti a nnui, `
ma tu si’ duru cchjiúi
di ‘nu macignu…!
Mo’ chi cazzu mi ‘mpignu
‘mu pagu la fundiária
si la mia casa para
‘nu ‘spitali?
‘Nu líéttu e ‘nu rinàli,
‘na seggia e ‘nu vrascieri:
quandu vena l’ascieri
pigghjia cazzi!
È miégghjiu mu nd’ammázzi
ch’é miégghjiu ‘mu murimu:
chi cazzu lu vulimu
‘stu campàri,
quandu pi’ fatigari
bussàmu ad ogni porta
e nno’ ndi dun’ascórta
nudù cani?
“Basta! Simu ‘Taliani!”
gridamma lu Sissanta
¬e mo’ avógghjia ‘mu canta
la cicala La fami cu’ la pala
si pigghjia e cu’ la zzappa
cu è giúvini si la scappa
a Novajórca…
A nu’ àtri ndi tocca
suffriri a mussu chjúsu
e quàci’ ‘ntra lu pirtúsu
di lu culu! ,
Vidi ca non su’ sulu
chi cantu ‘sta canzúni,
ma parecchj miliúni
di ‘Talianì
gridamu pi’ la fami,
miseria e povirtà
diciendu: “Maistà,
pani ‘e lavúru!”
Si parru cu’ ‘nu muru
forsi rispundiría;
ma ca ’ parru cu’ ttia
píerdu lu tíempu!
Du’ vúoti ‘stu lamíentu
a ttia ti lu mandai.
Non ti dignàsti mai
‘mu mi rispúndi!
Picchì ha’ ‘mu li nascúndi
li gridi calabrisi?
Non pagàmu li spísi
guàli a tutti?
Ma tu ti ndi strafútti,
li deputati cchjiúi…
duva ‘ncappàmma nui,
póvar’aggénti!
Non sperari cchjiú nenti,
Calabria sbinturáta!
Tu si’ dimenticata
pi’ ‘nu tíernu
di Dio, di lu goviernu
e di lu Ministeru:
pi’ ‘na cruci e ‘nu zeru
si’ stimáta,
e sulu si’ chjiamàta
alli súoliti passi:
mu paghi ‘mpúosti e tassi,
e nenti cchjiúi!
jio mo’ parru cu’ . bbúi,
ministri e deputati:
chi cazzu mi predicati
“Pro Calabria”
Cca mai si vida 1’árva,
sempi simu allu scuru!
Non truvamu lavúru
Ppi’ ‘nu jiúornu.
Già non aviti scúornu
sempi ‘mu prumintiti!
E mai nenti faciti
‘mu campamu.
E tu, núostru suvrànu,
màncu nci dici nenti!
Non bidi ca ‘st’aggénti
ndi castíjia?
Sempi ndi cugghjiuníjia
a tutti sti Paísi,
ca sgràvanu li spisi
e fannu strati,
e ‘mbéci cchjiú gravati
li spisi; a strati nenti…!
E nnui, póvar’aggénti,
li cridímu…!
E púoi quandu vidímu
smurzata la lantérna,
cu’ ‘nu ’ Recumatérna ’
addio Calabria!
” Littira a ru Patritiernu “
Littira a ru Patritiernu
Di Mastru Brunu Pelaggi
Non bidi, o Patritiernu,
lu mundu ‘mu sdarrúpi,
ch’è abitatu di lupi
e piscicani!
Priestu! Mina li mani!
vidi cúomu ‘mu fai !
Cacciandi di ‘sti guai
mannéja aguannu!
Non bidi ca ndi fannu
muríri a púocu a púocu…?!
Tu ti mintisti ddúocu
e stai ‘mu guardi?
” “
Si Tu vuoi ‘mu mbumbardi
non bbuoi l’artiglieria
ma dici – Chístu sia!-
e tuttu è fattu…
Ti príegu, cu’ ‘nu pattu,
‘mu fai lu genirali,
ca lu particulàri
già l’avímu…
Fa’ guàli lu distinu
ca guali ndi criasti
e guali ha’ ‘mu nda guasti,
cúomu è giustu.
Non ‘mu nci duni gusto
‘mu ndi dassi carcúnu…!
cá púoi, cu’ Mastru Brunu
hai chi ‘mu scardi!
Si bbúoi musi riguardi
miégghjiu dassandi stari
e dássandi mangiari
di ‘sti lupi!
Cchjiú ca simu futtúti
éssari non putìemu:
fuss’arménu m’avìemu
pani asciúttu!
Li préviti hannu tuttu
e chjína è la dispénza;
li ricchi vannu a menza
e nnui… ‘stu cazzu!
Jio mo’ pinzài `mu fazzu
lu stúortu cu’ Ttia puru,
ca Tu si’ assai cchjiú duru
di ‘nu scúogghjiu.
‘Sti cúosi nci li dissi
e non mi rispundiu…
Povar’úomu, murìu!
fu assassinatu,
e di ‘nu scellératu
di cúori disumanu,
‘m’ammazza ‘nu Suvranu
tantu búonu!
Era Arré galantúomu
e di la Patria amanti:
Ti príegu’ cu’ li Santi
‘mu lu mìenti!
Pi’ nu’ atri scuntienti
facisti lu distínu
c’avímu ‘mu patímu
e nnu ‘ndi lamintamu
Tu, chi ssi`onniputénti
giúdici di giustizzia,
lu cchjiú pi’ l’avarízzia
hai ‘mu nci píenzi:
hai ‘mu cacci sintìenzì
‘mu trema cielu e terra!
hai ‘mú li fai cunzérva,
a `st’assassini!
Chidu chi dissi vúogghjiu,
sta grazzia e nenti cchjiúi:
`mu fai di tutti nui
‘nu funirali
di Papa, ‘Cardinali,
Arré ed Imperaturi,
tutti ‘sti supiriuri
cchjiú puténti;
e puoi a tutti l’aggénti
cchjiú ricchi ed avarúni
vrúscianci li cugghjiúni
e li dinari.
Puoi siénti ch’ài da fari:
lu ‘Mpfernu hai ‘mu lu crisci
ed hai ‘mu l’aggrandísci,
Mu capimu
Si bbúoi ‘mu ndi vidimu
scindi pi’ chida via,
e ddà dimandi a mmia
e ti dicu tuttu;
ca jio mi ndi strafúttu,
dicu la verità,
ed a sua Maistà
puru nei scrissi…
Chjióva puntúti e spini,
martirj etíerni a guaj…
Tu, Signuri, lu sai!
non bbúoi ‘mparatul.
S’jio T’avíssi cuntatu
chidu chi fannu a nnui
mi dicirissi “Cchjiúi
nd’ammieritannu!”
Cunzidira, chist’annu
chi lu pani va caru,
lu boja di l’aváaru
cúomu ‘ngrassa!
Prima ca l’annu passa,
pénzaci Tu, Signuri!
Ca si non li maturi…
amari nui!
Jio chi Ti dicu cchjiúi?
A nui ndi scuorticaru
lu préviti, l’avaru
e lu Guvíernu.
Tu ndi mandi allu ‘Mpiernu
ndi fai ‘st’atru piaciri!
Nd’arrústi cúomu agghjfri
alla gravígghjia,
úrtima meravígghjia
ed unicu ristúoru,
“per omnia secula
Seculúoru”!